U-16 ára landslið stúlkna hafði sigur í sínum fyrsta leik í Evrópukeppninni í dag.

Liðið bar sigurorð á Kýpur 66:43

Íslenska liðið byrjaði betur og náði strax undirtökunum og eftir fyrsta leikhluta var staðan 21:7 okkar stelpum í hag. Þessi munur hélst í öðrum leikhluta og var staðan 36:21 í hálfleik.

Íslenska liðið vann báða leikhlutana í seinni hálfleik og urðu lokatölur eins og áður kom fram 66:43.

Á morgun leikur liðið gegn Monaco og hefst leikurinn klukkan 09:30 í fyrramálið að íslenskum tíma.

Hægt er að fylgjast með lifandi tölfræðinni í tölfræðiglugganum hægra megin á forsíðu kki.is.