KKÍ mun standa fyrir æfingabúðum fyrir úrvalshópa KKÍ eins og gert hefur verið síðastliðin sumur með mjög góðum árangri.

Úrvalshóparnir eru undanfari yngri landsliða Íslands þar sem unglingalandsliðsþjálfarar ásamt gestaþjálfurum stjórna æfingum og fara yfir helstu tækniatriði.

Ingi Þór Steinþórsson þjálfari Snæfells verður yfirþjálfari í strákabúðunum. Ingi hefur verið yfirþjálfari úrvalsbúða undanfarin ár.

Margrét Sturlaugsdóttir þjálfari yngri flokka hjá Njarðvík verður yfirþjálfari í stelpubúðunum. Margrét hefur verið yfirþjálfari úrvalsbúða undanfarin ár.

Í sumar stendur KKÍ fyrir æfingabúðum fyrir drengi og stúlkur sem fædd eru 1999, 2000, og 2001.

Búið er að boða alla þá leikmenn sem félögin tilnefndu til KKÍ.

Æfingabúðirnar standa yfir tvær helgar og verður fyrri helgin næstu helgi, 2.-3. júní en þá verða stúlkur í íþróttahúsinu Álftanesi en drengir í Smáranum, Kópavogi.

Dagskráin er eftirfarandi fyrir báða dagana:
Krakkar ´01 · kl. 09.00 – 11.00
Krakkar ´00 · kl. 11.30 – 13.30
Krakkar ´99 · kl. 14.30 – 16.30

Verð á hvern þátttakanda fyrir úrvalsbúðirnar er 6.000 kr. samtals fyrir báðar helgarnar og greiðist á staðnum.

Seinni helgin verður 25.-26. ágúst. Þá verða stúlkur í Toyotahöllinni, Keflavík og drengir í Dalhúsum í Grafarvogi.