© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
     
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
17.5.2012 | 21:16 | Stefán | Yngri landslið
U16 kv: Stóðust áhlaupið
Bríet Sif Hinriksdóttir átti skínandi leik í dag fyrir Ísland
Stelpurnar í U16 unnu sinn annan sigur í dag er þær lögðu Dani að velli 71-67 í óþarflega spennandi leik.

Eftir að hafa leitt með yfir 20 stigum náðu þær dönsku að vinna upp muninn og gera leikinn spennandi. Stelpurnar stóðust þessa prófraun og eru þær efstar ásamt Svíum eftir tvo leiki.

Tölfræði: Systurnar Sara og Bríet Hinriksdætur voru mest áberandi í stigaskorun í dag með 25 og 13 stig hvor. Sandra Þrastardóttir bætti við 10 stigum. Frákastahæst hjá Íslandi var Sara Hinriksdóttir með 9 fráköst og þær Bríet Hinriksdóttir og Elsa Karlsdóttir tóku 5 fráköst hvor. Guðlaug Björt Júlísudóttir var stoðsendingarhæst með 6.

Mikill kraftur var í leik Íslands gegn Danmörku í dag frá upphafi. Stelpurnar komu tilbúnar í verkefnið og náðu upp miklum muni fljótlega. Þær sýndu vígtennurnar og voru alls ekki saddar þrátt fyrir að hafa landað sigri fyrr í dag gegn Noregi.

Í öðrum leikhluta jafnaðist leikurinn en það var ekki fyrr en í þriðja leikhluta sem Danirnir fóru að herða tökin og minnka muninn af krafti.

Næstum því flautukarfa: Bríet Hinriksdóttir lokaði þriðja leikhluta með körfu rétt áður en flautan gall. Danski þjálfarinn vildi meina að það hafi verið þrjár sekúndur á Bríeti en dómararnir dæmdu körfuna góða.

Danirnir náðu að minnka muninn í fimm stig seint í fjórða leikhluta og pressan mikil á íslensku stelpunum.

Í stöðunni 61-56 kom mikilvæg karfa þegar systrasamspil skilaði körfu og kom Íslandi í sjö stiga mun. Stóðust þær mesta áhlaupið þó að Danirnir reyndu allt sem þær gátu að jafna í lokin en stelpurnar reyndust sterkari og innbyrtu flottan og sanngjarnan sigur.

Niðurstaða: Með sigrinum í dag eru þær búnar að tryggja sér hið minnsta leik um þriðja sætið á sunnudag. Stóðust áhlaup Dana í lokin og kláruðu verkefnið.

Næsti leikur stelpnanna er gegn Svíum kl. 15.00 að íslenskum tíma á morgun.

Tölfræði leiksins
Textalýsing á Karfan.is
Myndasafn á Karfan.is
Mótayfirlit
Mótayfirlit allra flokka
Jón Arnór í sniðskoti gegn Finnum í Laugardalshöll 6. september 2006.
DómarahorniðLeiðararTölfræðiSaganViðtalið