Strákarnir í U18 unnu öruggan sigur á Danmörku 94-56 þar sem varnarleikurinn var í fyrirrúmi.

Liðið byrjaði mjög sterkt og lagði gruninn að sigri strax á fyrstu mínútu. Það var aldrei spurning hvor megin sigurinn myndi enda og sigur Íslands öruggur.

Tölfræðin: Stigahætur hjá Íslandi var Martin Hermannsson með 23 stig. Maciej Baginski var með 18 stig og Valur Orri Valsson með 17 stig. Valur Orri var einnig frákstahæstur hjá Íslandi með 7 fráköst og stoðsendingarhæstur með 5 stoðsendingar.

28 stig skoraði Ísland í fyrsta leikhluta en fengu aðeins 12 á sig.

Varnarleikur var til fyrirmyndar en þeir héldu Dönum í aðeins 59 stigum. Þeir spiluðu maður á mann allan tímann og neyddu Danina til að tapa boltum og taka léleg skot.

Sóknarleikurinn var eins og smurð vél stóran hluta af leiknum þar sem boltinn gekk vel milli leikmanna.

Villa karfa góð: Íslensku strákarnir fengu sex sinnum villa karfa góð en þeir voru að keyra sterkt að körfunni.

Hátt framlag kom frá bekk íslenska liðsins en tveir af fjórum stigahæstu mönnum liðsins komu inn af bekknum – Valur Orri Valsson(17 stig) og Dagur Kár Jónsson(14 stig)

Stefán Karel Torfason fór útaf meiddur á ökkla þegar 3:45 voru eftir af þriðja leikhluta. Hann kom ekki aftur inná en það var varúðarráðstöfun og verður hann með í næsta leik.

Niðurstaðan: Auðveldur sigur gegn vængbrotnu dönsku liði en marga sterka leikmann vantaði í liðið. Erfitt að dæma styrk íslenska liðsins á þessum leik en þeir kláruðu leikinn til loka á fullum krafti og er það styrkleikamerki.

Næsti leikur: Svíþjóð á morgun fimmtudag kl. 16.30 að íslenskum tíma. Svíþjóð vann ævintýralegan sigur á Finnlandi fyrr í kvöld.

Tölfræði leiksins

Viðtal við Einar Árna Jóhannsson fyrir leikinn á Facebook síðu KKÍ.

Viðtal við Arnar Guðjónsson eftir leikinn á Facebook síðu KKÍ.

Textalýsing á Karfan.is.

Viðtal við Vala Orra Valsson á Karfan.is.

Myndasafn úr leiknum á Karafn.is.