© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
14.11.2011 | 12:45 | Kristinn | KKÍ, Landslið
Landsliðsverkefni 2012


Stjórn Körfuknattleikssambands Íslands hefur ákveðið að senda A-landslið karla til keppni á nýjan leik í Evrópukeppni en hún verður nú leikin með breyttu sniði.

Ekki er lengur leikið í A- og B-deildum eins og fyrirkomulagið var síðustu ár, heldur verður öllum liðunum raðað eftir styrkleika og dregið í riðla. Ísland tók síðast þátt í keppninni 2008-2009 en þá tók það tvö ár að klára eina keppni í gamla fyrirkomulaginu þannig að segja má að Ísland hafi verið eina umferð fyrir utan keppnina.

Sex efstu þjóðir frá Evrópukeppninni í Litháen síðastliðið haust ásamt Slóveníu, sem heldur keppnina 2013, fara beint í lokakeppnina en aðrar þjóðir verða í pottinum þegar dregið verður í riðla þann 4. desember. Það verða þjóðir eins og Serbía, Þýskaland, Tyrkland, Króatía, Ítalía, Ísrael og Bosnía að ógleymdum þjóðum eins og Svartfjallalandi, Georgíu og Finnlandi sem verða á meðal þeirra liða sem Ísland getur lent í riðli með.

Riðlakeppnin klárast öll á næsta ári en leikið verður heima og heiman 15. ágúst – 11. september.

NM A-landsliðs kvenna
A-landslið kvenna fer á Norðurlandamót í Osló dagana 23. – 27. maí en sl. sumar léku karlarnir í Svíþjóð.

Evrópukeppni yngri landsliða
U-16 kvenna fer í Evrópukeppni C-deild sem fer fram dagana 5. – 14. júlí og einnig fer U-18 karla í Evrópukeppni B-deildar dagana 9. – 19. ágúst. Þann 3. desember kemur í ljós hvar mótin verða haldin og hverjir mótherjarnir verða í okkar riðli.

NM yngri landsliða
Að venju taka U16 og U18 ára lið drengja og stúlkna þátt í Norðurlandamóti yngri landsliða sem fram fer í Solna í Svíþjóð dagana 16. – 20. maí.

U15 á Copenhagen Invitational
U-15 karla og kvenna fara á Alþjóðlegt mót í Kaupmannahöfn dagana 21. – 24. júní eins og undanfarin ár.
Mótayfirlit
Mótayfirlit allra flokka
Heimir Karlsson og Einar Bollason taka viðtal við Michael Jordan í búningsklefa Chicago Bulls liðsins árið 1988.
DómarahorniðLeiðararTölfræðiSaganViðtalið