Komandi helgi, þann 5. og 6. nóvember, mun körfuknattleiksdeild Fjölnis halda sitt árlega mót. Mótið hefur fyrir löngu skipað sér í sess með stórmótum vetrarins og þar má sjá margar af stjörnum framtíðarinnar.

Auk þess að keppa er ýmislegt annað gert, þar sem meðal annars er farið í bíó og sund en ekki má gleyma kvöldvökunni þar sem börn og foreldrar skemmta sér saman.

Mótið er ætlað iðkendum 11 ára og yngri, bæði stelpum og strákum. Leikið er 2*10 mín. þar sem leikklukka er ekki stöðvuð. Að venju er ekki keppt um sæti heldur leikgleðin látin ráða ríkjum.

Skráningu líkur á morgun,miðvikudaginn 2. nóvember kl. 20.00.

Þátttaka tilkynnist í tölvupósti á netfangið karfa@fjolnir.is.

Sjá nánar á vef Fjölnis, fjolnir.is/karfa.