KR-stúlkur unnu fjórða leik lokaúrslita kvenna í kvöld, 63-56, og jöfnuðu þar með metin í 2-2 í einvíginu. KR-konur urðu þar með fyrsta liðið í sögu úrslitakeppni í körfubolta á Íslandi til þess að tryggja sér oddaleik eftir að hafa lent 0-2 undir í einvíginu. Liðin spila úrslitaleik um titilinn í Kennaraháskólanum á sunnudaginn.

Stúdínur byrjuðu betur og höfðu yfir 11-20 eftir fyrsta leikhluta en KR-stúlkur unnu annan leikhluta 26-12 og leiddu 37-32 í hálfleik. Carrie Coffman kom þarna sterk inn og gerði átta stig í þessum leikhluta. KR-stúlkur héldu síðan yfirhöndinni í seinni hálfleik og unnu sjö stiga sigur, 63-56.

Atkvæðamestar hjá KR:
Helga Þorvaldsdóttir 22 stig, 9 fráköst (5 í sókn)
Carrie Coffman 11 stig, 16 fráköst á 28 mín.
Hildur Sigurðardóttir 11 stig, 6 fráköst
Linda Stefánsdóttir 9 stig, 5 fráköst, 3 stolnir
Gréta María Grétarsdóttir 5 stig

Atkvæðamestar hjá ÍS:
Meadow Overstreet 17 stig
Alda Leif Jónsdóttir 13 stig, 5 stoðsendingar, 5 varin skot
Hafdís Helgadóttir 12 stig, 8 fráköst, 5 stolnir
Lovísa Guðmundsdóttir 8 stig, 7 fráköst
Þórunn Bjarnadóttir 4 stig, 18 fráköst (10 í sókn) á 29 mín.