Í dag miðvikudag, leikur Helena Sverrisdóttir sinn annan leik í Euroleague kvenna en hún og liðsfélagar hennar í Good Angels Kosice mæta spænska liðinu Rivas Ecopolis. Leikurinn hefst kl. 17.00 að íslenskum tíma og er sýndur beint á FIBAtv.com fyrir áhugasama í opinni dagskrá.

Hér má lesa frétt FIBA Europe um leikinn en bæði lið hafa leikið einn leik í Euroleague og töpuðu bæði liðin sínum leikjum. Það er því mikilvægur leikur framundan fyrir bæði lið í kvöld.

Good Angels hafa unnið alla fjóra leiki sína í deildinni í Slóvakíu til þessa en auk deildarinnar heima fyrir eru hörkuleikir framundan meðal þerra bestu í sterkustu deild Evrópu, Euroleague.