Hér fyrir neðan eru upplýsingar til félaga um ferli á umsóknum til Útlendingastofnunar (UTL) og lesa má nánar hérna um það ferli ásamt leiðbeiningum.

Þar er einnig að finna öll eyðublöð á tölvutæku formi.

Erlendir leikmenn - umsóknir til UTL og VMST
Að gefnu tilefni viljum við ítreka að öll þau lið sem verða með erlenda leikmenn í ár sjái til þess að undirbúningsvinna fyrir komu þeirra sé með besta móti og
rétt unnin. Sé það gert mun umsóknin taka styttri tíma og minni hætta á að leikmönnum verði meinaður aðgangur eða jafnvel sendir heim vegna ófullnægjandi umsóknar.

Við bendum á að leikmenn frá USA þurfa að sækja sem allra fyrst um sakavottorð frá FBI (ekki lögregluumdæmi síns ríkis).

Frá UTL: Leikmönnum verður leyft að koma til landsins án þess að þeir hafi skilað sakavottorði frá FBI ef þeir sanna það með framlagningu frumrits greiðslukvittunar og ljósrits af umsóknarformi að þeir hafi sótt um staðfest sakavottorð til FBI. Þetta þurfa þeir að gera áður en þeir koma til landsins. Tilkynna FBI þegar sótt er um sakavottorð; vinsamlegast senda sakavottorð til:

Útlendingastofnun – The Directorate of Immigration
Skógarhlíð 6, 105 Reykjavík, Iceland

Sem sagt, það ferli að fá sjálft vottorðið getur tekið nokkrar vikur, en með því að fylla út umsókn 100% og láta kvittun eða staðfestingu fylgja með umsókn um dvalarleyfi hér á landi þá kemur sú staðfesting í staðin fyrir vottorðið á meðan beðið er eftir því að utan. Þetta er aðeins gert og leyfilegt gegn því að umsóknir séu rétt fylltar út og samviskusamlega.

Allar nánari upplýsingar er hægt að fá á skrifstofu KKÍ í s: 514-4100 eða á netfanginu kristinn@kki.is