Í kvöld léku Finnland og Svíþjóð og var um úrslitaleik að ræða hvaða lið yrði Norðurlandameistari.

Finnland leiddi allan leikinn með 10-15 stigum og jók svo jafnt og þétt muninn og þegar upp var staðið munaði 22 stigum en lokatölur voru 85:63.

Helstu tölur úr leiknum:

Sviþjóð-Finnland 63-85

Svíþjóð: Christian Maråker 14, Thomas Massamba 11, Rudy Mbemba 9, Brice Massamba 6, Anton Saks, 5, Martin Pahlmblad 4, Johan Janson 4, Anton Gaddefors 4, Erik Rush 4, Andreas Schreiber 2.

Finland: Gerald Lee Jr 27, Kimmo Muurinen 12, Hanno Möttölä 11, Shawn Huff 10, Teemu Rannikko 10, Petteri Koponen 6, Sasu Salin 3, Samuel Haanpää 2, Tukka Kotti 2, Tuomas Iisalo 2.

Þar sem Finnar halda heim á morgun þá fengu þeir bikarinn og gullpeninga afhenda eftir leik og jafnframt var tilkynnt að þeir áttu tvo leikmenn í úrvalsliði mótsins þá Teemu Rannikko og Petteri Koponen. Teemu Rannikko var svo valinn leikmaður mótsins.

Rannikko er fyrrum samherji Jóns Arnórs hjá Granada en leikur núna með Varese á Ítalíu. Kopponen er leikmaður Virtus Bologna á Ítalíu en hann var valinn á sínum tíma í fyrstu umferð í NBA nýliðavalinu en hann hefur leikið í Evrópu síðan.

Finnland er vel að þessum sigri komið en liðið er virkilega gott og á eins og áður hefur komið fram góða möguleika á því að komast til Litháen í lokakeppnina sem hefst í næsta mánuði.

Hérna er hægt að lesa allt um finnska liðið og leikina sem skera úr um það hvort draumur þess verði að veruleika.