Ísland lék sinn fyrsta leik í milliriðli fyrr í kvöld gegn Finnlandi og mátti bíða ósigur.

Fyrsti leikhluti var nokkuð jafn en þó voru Finnar alltaf skrefi á undan. Staðan eftir leikhlutann var 19:23

Það sama var í gangi í 2. leikhluta og leiddu Finnar 38:47 í hálfleik.

Íslenska liðið kom til leiks með meiri kraft í upphafi síðari hálfleiks og náði nokkrum sinnum að minnka muninn en leikmenn finnska liðsins svöruðu jafnharðan. Þeir hittu mjög vel úr þriggja stiga skotum sínum og var stigaskorið þeirra að dreifast mjög vel sem gerði okkur erfitt fyrir í varnarleiknum. Við unnum leikhlutann 18:17 og höfðum þar með minnkað muninn um eitt sitg áður en haldið var í lokaleikhlutann.

Síðasti leikhlutinn var jafn en alltaf þegar við gerðum okkur líklega til að saxa á forskot Finnana þá komu þeir með þrist eða körfur eftir gegnumbrot og smám saman varð erfiðara að brúa bilið. Finnar unnu leikhlutann 23:20

Lokatölur voru 76:87

Þessi leikur var slakasti leikur liðsins en liðið hafði fram að þessum leik leikið býsna vel. Við áttum í erfiðleikum að verjast leik Finnana en þeir eru með marga jafna leikmenn sem geta allir skotið að utan og keyrt upp að körfunni. Við náðum aldrei þeim takti að stýra leiknum í gegnum varnarleikinn.

Næsti leikur liðsins er gegn Stóra Bretlandi á morgun og hefst leikurinn klukkan 20:00 eða 18:00 að íslenskum tíma.