Í dag var tilkynnt hvernig liðið er skipað sem heldur á morgun út til Svíþjóðar á NM 2011. Fram að fyrsta leik munum við kynna leikmennnina en við fengum þá til að svara nokkrum léttum spurningum.

Fyrstur er leikmaður í treyju nr. 4 en það er skotbakvörðurinn Brynjar Þór sem samdi nýverið við Jamtland í sænsku úrvalsdeildinni og mun því halda af landi brott í haust.

Fullt nafn: Brynjar Þór Björnsson
Hæð: 192cm
Aldur: 23ára

Gælunafn: Binni
Giftur / sambúð? Sambúð með Sigurrós Jónsdóttur
Börn: Ekki enn

Hvað eldaðir þú síðast? Spænska tortillu og spænskan saltfisksrétt...heppnaðist hrikalega vel svo ég segi nú sjálfur frá

Ertu matvandur, er eitthvað sem þú borðar alls ekki? Stefni á að borða ekki aftur grillaðan hálskirtil úr belju, Argentínumönnum finnst það voðalega gott en mér ekki.

Hvað seturðu á pizzuna þína? Amor á Eldsmiðjunni er ansi góð!

Uppáhalds vefsíða? karfan.is stendur alltaf fyrir sínu.

Frægasti vinur þinn á Facebook? Haukur Pálsson

Ertu hjátrúarfull(ur) fyrir leiki (ef já, hvernig þá)? Nei, en finnst gott að fá mér Serrano og setjast svo á Íslensku kaffistofuna og fá mér einn sterkan kaffibolla og kíkja á þessi helstu tímarit.

Hver var átrúnaðargoð þitt á yngri árum? Michael Jordan var auðvitað goð í augum mínum en hér heima var það Teitur Örlygsson og Ósvaldur Knudsen.

Erfiðasti andstæðingur? Jón Arnór Stefánsson

Sætasti sigurinn? 2007 á móti Njarðvík.

Mestu vonbrigði? Að tapa þremur heimaleikjum í röð í undanúrslitunum 2010

Ef þú fengir að velja einn leikmann í heiminum í þitt lið, hver yrði það? Dirk Nowitzki

Segðu okkur frá skemmtilegu / skondnu atviki sem gerst hefur í leik: Það er alltaf gaman að rifja upp slagsmálin í Monaco þegar Kýpverjar fóru á kostum.

Hvenær lékstu þinn fyrsta leik með meistaraflokki? Fyrsti úrvalsdeildarleikurinn var á móti Hamar/Selfoss haustið 2004.

Hver er uppáhaldsstaðurinn þinn í öllum heiminum? Ættaróðalið Ingunnarstaðir

Vandræðalegasta augnablik? Þegar ég þurfti að labba heim frá sundlauginni í Laugardal á skýlunni, World Class var búið að loka en ÍTR hafði ennþá opið svo ég komst ekki inn í World Class og þurfti því að labba heim á tánnum.

Hver á ljótasta bílinn í liðinu? Hef ekki hugmynd

Hver er fyndnastur í liðinu? Óla Óla er hress og kátur enda nýliði sem á að sjá um að skemmta öðrum.

Komdu með eina staðreynd um þig sem flestir vita ekki um:

Uppáhalds:
Lið í NBA: Chicago Bulls
Lið í Evrópska körfuboltanum: Barcelona
Leikmaður í körfu: Dirk Nowitzki
Erlenda hljómsveit: Coldplay engir sem toppa þá á tónleikum
Innlenda hjlómsveit: Cosmic Call
Bíómynd: The Godfather I & II

Sjónvarpssería: Entourage og Dexter