© 2000-2020 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
       
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
18.6.2011 | 13:37 | fararstjóri | Yngri landslið
U15ka: tap og sigur, leikur við Dani kl. 15:30
U15 lið drengja tapaði óvænt í gærkvöldi gegn Værlöse frá Danmörku, en eftir þann leik var ljóst að strákarnir kæmust ekki í undanúrslit. Strákarnir lifnuðu þó við í morgun og unnu góðan sigur á sterku ensku liði í hörkuleik.

Strákarnir í U15 mættu Værlöse í seinni leik föstudagsins. Því miður glataðist leikskýrslan, þannig að það sem eftir fylgir er skrifað eftir minni. Strákarnir hófu leikinn af krafti og leiddu allan fyrri hálfleikinn með 5-10 stigum. Í þriðja leikhluta jókst munurinn og áttu Værlösemenn í miklum vandræðum með að finna glufur á vörn íslensku strákana. Forystan hélst örugg fram í fjórða leikhluta, þar sem strákarnir leiddu með 13 stigum þegar 4 mínútur voru eftir, en þá var eins og lok væri sett á körfu íslenska liðsins og að sama skapi opnaðist vörnin upp á gátt. Værlöse gengu á lagið og unnu þessar síðustu fjórar mínútur 23-4 og þar með leikinn 59-65. Sárt tap gegn liði sem á að vinnast í 11 skipti af hverjum 10.

Ísland - England 78-71 (12:16, 20:15, 25:19, 21:21)

Síðasti leikur riðilsins var gegn Englandi, en þeir eru með nokkuð hávaxið lið og mjög góða íþróttamenn í flestum stöðum. Íslensku drengirnir lögðu upp með svæðispressu, sem byrjaði ágætlega, en sóknarlega gekk ekkert að skora og staðan því orðin 0-9 fyrir Englendinga eftir fjögurra mínútna leik og Hlynur Logi Víkingsson kominn með þrjár villur. Gunnar opnaði þá reikninginn fyrir Ísland með einu víti, Kristján bætti við öðru víti og Gunnar og Pétur bættu við 7 stigum til og jöfnuðu leikinn í 9-9. Það voru svo Englendingar sem kláruðu leikhlutann betur og leiddu 12-16 að honum loknum.

Englendingar opnuðu svo annan leikhlutann með fjórum stigum, höfðu þá skorað síðustu 8 stigin og leiddu með 8 stigum, 12-20. Hilmir Kristjánsson tók sig þá til og skoraði 6 stig gegn 2 Englendinga og munurinn kominn niður í 4 stig. Leikurinn var jafn það sem eftir var leikhlutans, þar sem Íslendingar komust fyrst yfir 25-23 og aftur 27-26. Englendingar settu þá fjögur stig í röð og leiddu 27-31, en Daði Lár setti þá tvö víti, 29-31, íslensku strákarnir stálu boltanum og héldu í síðustu sókn leikhlutans. Eftir gott drive hjá Daða Lár opnaðist enska vörnin og Kristján Sverrisson stóð einn og óvaldaður fyrir utan þriggja stiga línuna og smellti niður skotinu af miklu öryggi um leið og leikklukkan gall, staðan því 32-31 í hálfleik.

Framan af þriðja leikhluta skiptust liðin á forystunni, Englendingar komust í 32-35, Pétur Rúnar svaraði með þrist og sniðskoti og Hilmir setti einn þrist sem kom Íslandi í 40-35, Englendingar komust yfir 44-45, en þá tók við mjög góður 13-5 leikkafli hjá Íslenska liðinu þar sem ensku bakverðirnir lentu í miklum vandræðum gegn þeim íslensku. Íslensku strákarnir leiddu því 57-50 fyrir lokaleikhlutann.

Fjórði leikhlutinn byrjaði vel, þar sem Pétur setti þrist en Englendingar svöruðu með þrist, þeim eina frá þeim í leiknum. Þá var eins og lokinu hefði verið skellt á aftur og illa gekk að finna körfuna, góð skot fóru forgörðum og vörnin byrjaði að klikka. Englendingar gengu á lagið og komust í 64-69 með 2-16 sprett þegar aðeins 3 mínútur voru eftir. Íslensku strákarnir voru þó ekki af baki dottnir og fóru aftur í svæðispressuna sem hafði reynst vel í byrjun. Það sló Englendinga út af laginu og íslensku strákarnir gengu á lagið. Vilhjálmur skoraði 4 stig og Gunnar Ingi setti sniðskot og breyttu stöðunni í 70-69. Góð tveggja stiga karfa eftir sóknarfrákast hjá besta leikmanni þeirra rauðklæddu kom Englendingum aftur yfir 70-71. Það voru þó taugar íslensku strákanna sem voru sterkari á lokamínútunum og Helgi Björnsson setti niður galopinn þrist í horninu þegar rúm mínúta var eftir. Góð vörn hjá bakvörðunum varð til þess að Englendingarnir misstu boltann og Vilhjálmur kláraði í framhaldinu gott driva að körfunni og Íslendingar komnir 5 stigum yfir. Aftur stálu strákarnir boltanum og þvinguðu Englendinga til að brjóta þegar 22 sekúndur voru eftir. Upp úr því fékk Högni Fjalarsson tvö víti, sem hann setti bæði og munurinn kominn í 6 stig. Englendingar reyndu snöggt skot sem klikkaði og Högni náði frákastinu, fór aftur á línuna og setti annað vítið, 78-71. Ekkert varð úr lokasókn Englendinga og sigurinn því í höfn.

11 leikmenn liðsins komu við sögu í leiknum, en Atli Þórsson er frá vegna hnémeiðsla. Stigin skiptust svona: Gunnar 17, Pétur 16, Hilmir 12, Högni 8, Vilhjálmur 8 (öll í fjórða leikhluta), Kristján 6, Helgi 5, Hinrik 3, Daði 2 og Hlynur 1. Jón Axel lék einnig en skoraði ekki.

Strákarnir sýndu loks sitt rétta andlit gegn Englandi, baráttan var til fyrirmyndar og varnarleikurinn góður lengst af. Þriggja stiga skytturnar vöknuðu svo loksins og settu alls 10 þrista niður, þar af Hilmir með 4 og Pétur með 3.

Næsti leikur strákanna er gegn Dönum kl. 15:30 að íslenskum tíma, en liðið sem vinnur þann leik spilar um 5. sætið og tapliðið leikur þá um 7. sætið.
Mótayfirlit
Mótayfirlit allra flokka
Strákarnir í U-16 náðu þriðja sætinu á Norðurlandamótinu í Solna í maí 2009. Þeir lögðu Finna að velli 58-64 í leiknum um þriðja sætið. Strákarnir stilltu sér upp fyrir hópmynd strax að loknum sigrinum.
DómarahorniðLeiðararTölfræðiSaganViðtalið