© 2000-2020 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
17.6.2011 | 13:30 | fararstjóri
U15ka: tap í fyrsta leik
Strákarnir í 15 ára landsliði drengja töpuðu rétt í þessu með 6 stigum fyrir hávöxnu liði Noregs á Copenhagen Invitational, 78-84.

Leikurinn var afar sveiflukenndur allt frá fyrstu mínútu, en íslensku strákarnir lentu þá strax í miklum vandræðum með að frákasta gegn stórum og sterkum strákum norska liðsins. Norðmenn skoruðu fyrstu 9 stigin og leiddu svo 2-14 áður en íslensku strákarnir tóku almennilega við sér. 10-0 áhlaup íslensku drengjanna minnkaði muninn í 12-14 rétt fyrir lok fyrsta leikhluta og staðan að honum loknum var svo 14-17 Norðmönnum í vil. Um miðbik annars leikhluta náðu Norðmenn 0-13 áhlaupi, sem íslensku strákarnir svöruðu með 13-4 syrpu undir lok hálfleiksins og staðan þá 33-40 í hálfleik.

Íslensku strákarnir virkuðu mun ferskari í byrjun seinni hálfleiks og náðu forystunni um miðbik leikhlutans, 49-46 og 52-48. Norðmenn breyttu þá um vörn og tókst að hægja á íslensku drengjunum og náðu jafnframt forystunni fyrir fjórða fjórðunginn, 54-57. Í lokaleikhlutanum voru Norðmenn svo sterkari og náðu að standa af sér öll áhlaup Íslands, lokatölur sem áður segir 78-84.

Það var mikið stress í íslensku strákunum í byrjun leiks, enda allir að leika sinn fyrsta landsleik. Strákarnir sýndu þó hvað þeir geta þegar stressið fór af þeim. Norðmenn fráköstuðu mun betur en íslenska liðið og tóku ófá sóknarfráköst, en það kom íslenska liðinu um koll að endingu.

Stigahæstur var Gunnar Ingi Harðarson með 24 stig, Vilhjálmur Kári Jensson skoraði 15, Pétur Rúnar Birgisson 14, Högni Fjalarsson 10, Atli Þórsson og Hilmir Kristjánsson 6, Daði Lár Jónsson 2 og Helgi Rúnar Björnsson 1. Hlynur Logi Víkingsson og Jón Axel Guðmundsson léku án þess að skora og Hinrik Guðbjartsson og Kristján Leifur Sverrisson komu ekki við sögu að þessu sinni, en þeir hafa verið að glíma við meiðsli.

Næsti leikur strákanna er kl. 19:15 að staðartíma (17:15 ísl.tíma), en þá mæta þeir danska liðinu Værlöse.
Mótayfirlit
Mótayfirlit allra flokka
Jón Arnór Stefánsson í sókn í oddaleiknum um Íslandsmeistaratitilinn 2009 en Páll Axel Vilbergsson er til varnar. Daníel Rúnarsson, ljósmyndari á Fréttablaðinu, beitt þeirri nýjung hér á landi að koma fyrir myndavél í allri úrslitaseríunni á bakvið spjaldið og náði því oft skemmtilegum myndum líkt og þekkist úr NBA-deildinni.
DómarahorniðLeiðararTölfræðiSaganViðtalið