Búið er að framlengja skráningarfrestinn í Sumardeildina til föstudagsins næstkomandi.

Hægt er að skrá sig á sumardeildin@kki.is en nánari upplýsingar er að finna hérna.

Í stuttu máli er keppnin þannig að mest 7 geta verið í liði. Leikið er 3-á-3 í sumar fram í ágúst þar sem úrslitadagur verður haldin hátíðlegur.

Liðin sjá sjálf um að bóka leiki gegn hvort öðru eftir því hvenær það hentar báðum aðilum að spila á útivöllum landsins.

Deildin var sett á laggirnar fyrst í fyrra og tókst frábærlega, en 14 lið mynduðu tvo riðla og léku allir tvisvar við hvert lið, en oftast léku liðin tvo leiki í röð þegar þau hittust. Efstu liðin fóru svo í 8-liða úrslit sem haldin voru á Klambratúni í blíðskaparveðri.