S | M | Þ | M | F | F | L |
1 |
2 |
3 |
4 |
5 |
6 |
7 |
8 |
9 |
10 |
11 |
12 |
13 |
14 |
15 |
16 |
17 |
18 |
19 |
20 |
21 |
22 |
23 |
24 |
25 |
26 |
27 |
28 |
29 |
30 |
25.3.2002 | 22:24 | óój
Valsmenn Íslandsmeistarar í 1. deild
![]() Snæfellingar byrjuðu betur og höfðu yfir 20-22 eftir fyrsta leikhluta og 42-47 í hálfleik en Valsmenn unnu þriðja leikhlutann 26-17 og náðu þar með undirtökunum. Leikurinn var samt æsispennandi allt til enda og margir leikmenn voru að ná glæsilegum árangri í tölfræðinni eins og sjá má hér á eftir. Valsmaðurinn Hjörtur Þór Hjartarson náði glæsilegri þrennu í leiknum en hann var með 15 stig, 14 fráköst og 11 varin skot en Hjörtur varði meðal annars 7 skot Snæfellinga í fyrri hálfleik. Ómar Sigmarsson átti einnig mjög góðan leik en hann var með 24 stig, 6 stoðsendingar og sex þriggja stiga körfur á aðeins 25 mínútum þar af gerði Ómar 13 af stigum sínum í lokaleikhluta leiksins. Bergur Emilsson, spilandi þjálfari Valsmanna, var með 9 stig, 8 stoðsendingar og 7 fráköst en Ragnar Steinsson, sem skoraði 23 stig í leiknum, hitti illa og setti aðeins 6 af 26 skotum sínum niður í leiknum en tíu stiga hans komu á vítalínunni. Ólafur Jóhannesson, fyrirliði Vals-liðsins, var einnig traustur með 16 fráköst og 5 stoðsendingar. Hjá Snæfelli voru þeir Helgi Guðmundsson (24 stig, 12 stoðsendingar og 8 fráköst) og Orlando Donaldsson allt í öllu en Orlando tók 24 fráköst, skoraði 25 stig, varði 5 skot og gaf 4 stoðsendingar í leiknum. Atli Rúnar Sigurþórsson átti líka frábæran kafla í fjórða leikhluta þegar að hann gerði 11 stig þar á meðal var bortið á honum í þriggja stiga skoti og setti Atli bæði þriggja stiga skotið og vítið niður en alls gerði hann 13 stig í leiknum. Þá lék Ólafur Guðmundsson, yngri bróðir Helga, vel og gerði 13 stig og tók 7 fráköst. |