Stelpurnar í U16 töpuðu fyrir Noregi 86-80 í einum fjörugasta leiknum á mótinu hingað til. Eftir venjulegan leiktíma var staðan 74-74 og þurfti því framlengingu til að knýja fram sigur.

Íslensku stelpurnar komu ákveðnar til leiks og léku af krafti. Þær pressuð hátt og unnu marga bolta. Bæði lið voru að skora mikið en staðan eftir fyrsta leikhluta var 28-21 fyrir Íslandi. Íslendingar juku muninn í öðrum leikhluta og leiddu í hálfleik 45-36.

Allur þessi kraftur sem stelpurnar byrjuðu með fór að segja til sín þegar leið á leikinn. Leikmenn voru í miklum villuvandræðum og enduðu fimm leikmenn með fimm villur og tveir með fjórar villur.

Norsku stelpurnar náðu að minnka muninn jafnt og þétt og komast yfir í fjórða leikhluta. En íslensku stelpurnar voru fljótar að jafna á ný og í stöðunni 74-74 og þegar naumt var til leiksloka gat Ísland skorað sigurkörfuna en boltinn fór ekki ofaní og því þurfti framlengingu.

Í framlengingunni náði Noregur smá áhlaupi og hafði að lokum sigur 86-80.

Næsti leikur stelpnanna er í kvöld gegn Danmörku kl. 18:30 að íslenskum tíma.

Stigahæst hjá Íslandi var Hallveig Jónsdóttir með 14 stig.

Umfjöllun um leikinn á Karfan.is

Myndasafn úr leiknum á Karfan.is

Hægt er að sjá svipmyndir úr leiknum á Youtube-rás KKÍ

Myndbandsviðtal við Margréti Sturlaugsdóttur þjálfara U16 kvenna á Karfan.is

Leikurinn í tölum:
Flest stig: Hallveig Jónsdóttir - 14
Flest fráköst: Sandra Þrastardóttir og Elsa Karlsdóttir- 9
Flestar stoðsendingar: Ingunn Embla Kristínardóttir - 3
Flestir stolnir boltar: Ingunn Embla Kristínardóttir - 4
Flest varin skot: Sandra Þrastardóttir - 2
Hæsta framlag: Hallveig Jónsdóttir og Elsa Karlsdóttir -10