Nú er lokið báðum undanúrslitaleikjunum í 2. deild karla, í fyrri leiknum áttust við Höttur og ÍV og sigruðu Vestmanneyingar með einu stigi í hörkuleik.
Í seinni leiknum sigruðu svo heimamenn í Fjölni, Hrunamenn með 19 stigum og tryggðu sér þátttökurétt í 1. deild að ári.
Fjölnir og ÍV munu svo leika til úrslita um sigurlaunin í 2. deild.
Í leik um 5. sætið sigraði Skotfélag Akureyrar HK-inga í jöfnum leik.
Þá er einnig lokið leiknum um 7. sætið þar sem Grundfirðingar sigruðu Reyni frá Hnífsdal örugglega.