© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
       
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
16.4.2011 | 6:00 | Kristinn | Þjálfaramál
Æfingabúðir KFÍ 2011
Búðirnar hefjast sunnudaginn 5. júní.
Dagskrá búðanna er í undirbúningi og verður kynnt bráðlega.

Samhliða búðunum verður boðið upp á þjálfaranámsskeið á meðan á búðunum stendur og verður ekki rukkað fyrir námskeiðin. Það verður sem sagt ekki eingöngu veisla fyrir iðkendur þetta árið, mikið í boði fyrir þjálfara einnig.

Skráningar í búðirnar og á þjálfaranámsskeiðið sendist á netfangið kfibasketball@gmail.com, einnig hægt að fá frekari upplýsingar hjá Gaua Þ. í síma 896-5111.

Yfirþjálfari er Hrafn Kristjánsson þjálfari meistaraflokka karla og kvenna KR. Hrafn lék með KR í yngri flokkum og upp í meistaraflokk. Hann færði sig til KFÍ árið 1996, þar sem hann lauk ferlinum árið 2004. Hann var þjálfari meistaraflokks karla tvö síðustu tímabilin ásamt því að leika með liðinu. Hann hefur síðan þjálfað lið Þórs Akureyri og UBK. Hann tók við þjálfun meistaraflokka karla- og kvennaliða KR síðastliðið haust. Hrafni tókst að vinna bikarmeistaratitil Powerade og KKÍ í fyrstu atrennu með KR núna fyrir skemmstu og er það í fyrsta sinn síðan 1991 sem KR nær þeim stóra. Núna er Hrafn með bæði karla og kvenna lið sín í fjögurra liða úrslitum í Iceland Express-deildinni.

Geoff Kotila þjálfari FOG Næstved í dönsku úrvalsdeildinni. Þjálfaði Snæfell hér fyrir nokkrum árum og gerði þá að bikarmeisturum. Hann hóf ferill sinn sem leikmaður í skólum í heimalandi sínu, en hann er fæddur og uppalinn í Michigan fylki í Bandaríkjunum. Hann lék með Michigan Tech skólanum og útskrifaðist þaðan árið 1982. Hann hóf þjálfun árið 1983 við sama skóla eftir að hann hætti keppni sem leikmaður í körfuknattleik. Hann er því núna á 28. ári sínum sem þjálfari og kominn með reynslubanka sem gefur bestu seðlabönkum ekkert eftir hvað varðar innistæður. Geof var tekinn inn í Frægðarhöll Michigan Tech skólans árið 2002 sem er mikill heiður, en kemur þeim sem þekkja til vinnubragða hans ekki á óvart.

Tony Garbalotto þjálfari Liverpool Mersay Tigers sem er í efsta sæti ensku úrvalsdeildarinnar. Tony þjálfaði KFÍ 1998-2000 með góðum árangri. Að lokinni dvöl á Vestfjörðum snéri hann aftur til heimalandsins þar sem hann tók við þjálfun liðs Newcaslte Eagles og hefur hann síðan þjálfað með góðum árangri í efstu deild þar í landi. Toni hefur einnig verið í þjálfarateymi enskra landsliða, hann hefur mikla reynslu bæði af fyrirlestrahaldi og þjálfaranámskeiðum.

Nebojsa Vidic sem er að koma í þriðja sinn hingað og er fyrri þátttakendum búðana að góðu kunnur. Hann þótti efnilegur bakvörður á sínum yngri árum í Serbíu og átti leiki þar sem hann skoraði nokkrum sinnum >40 stig í leik. Gekk það svo langt að einhver líkti honum við Toni Kukoc en sjálfur hefur Nebojsa ekki viljað kannast við það og finnst fulllangt gengið. Hann snéri sér hins vegar t.m. ungur alfarið að þjálfun, eða innan við 22 ára gamall árið 1994 og hefur haft þjálfun sem aðalstarf í 17 ár. Hann hóf þjálfun í yngri flokkum og náði þá fljótt merkum árangri þegar hann skilaði liði sínu 6. sæti í Serbíu. Nebosja er einn sá besti tækniþjálfari sem við höfum kynnst.

Finnur Stefánsson tók við starfi yfirþjálfara yngri flokka KR árið 2010. Finnur er að búa til sterka flokka í KR og var á dögunum t.d. að gera minnibolta drengja að Íslandsmeisturum. Hann hefur verið lykilmaður í þjálfun yngri flokka KR til margra ára og er mikill styrkur fyrir Körfuboltabúðirnar af honum.

Helgi Jónas Guðfinnsson þjálfari Grindavíkur og styrktarþjálfari. Þess má geta að Helgi hefur hjálpað mörgu landsliðsfólki í ýmsum greinum svo sem körfu, fótbolta, handbolta og skíðum. Helgi Jónas lék með Grindavík frá 1992 til 2006. Að vísu með hléi þegar hann gerðist atvinnuleikmaður í belgíska liðum Antwerpen og Athlon Leper, en bæði þessi lið voru þá í efstu deild þar í landi. Hann hefur leikið fjölda landsleikja fyrir hönd Íslands bæði í unglingalandsliðum og A-landsliði.

Pétur Már Sigurðsson þjálfari Laugdæla. Pétur spilaði með KFÍ og Borgarnesi við góðan orðstír áður en hann hélt á Laugarvatn til náms. Eftir útskrift hefur hann einbeitt sér að þjálfun hjá Laugdælum ásamt vinnu við mastersritgerð í íþróttafræðum sem hann áætlar að skila af sér í vor.

Eggert Maríuson hefur verið í búðunum frá upphafi og á því drjúgan hlut í þeim. Leikmannsferill Eggerts nær frá 1988-2005. Hann lék lengst af með liði ÍR en kom síðar við sögu hjá Haukum, KR og UBK. Eggert er einn af reyndari þjálfurum okkar, en hann byrjaði sinn þjálfaraferil 1995 þegar hann tók við kvennaliði ÍR í efstu deild. Eggert hefur þjálfað bæði yngri flokka og eins meistaraflokka bæði kvenna og karlaliða Fjölnis, UBK, ÍR og Vals. Hann náði frábærum með spútniklið ÍR, þegar hann fór með þeim í undanúrslit Íslandsmótsins þvert á spár "sérfræðinga" árið 2005.

Jón Oddsson þrekþjálfari. Það þarf vart að kynna Jón Oddsson sem meðal annars er einn af örfáum Íslendingum sem hefur afrekar að hafa spilað með A-landsliðum bæði í fótbolta og frjálsum. Hann var í frjálsíþróttalandsliði Íslands í um það bil tvo áratugi. Erlendur þjálfari sem kom hingað til lands að meta hann, taldi hann vera mikið efni á sínum tíma, en þá var Jón reyndar 35 ára (skv. áræðanlegum heimildum). Hann hefur gríðarlega mikla reynslu í ástands og styrktarþjálfun og auk þess almennri körfuknattleiksþjálfun. Jón lék körfuknattleik við góðan orðstý hjá KFÍ, Val (Íslands- og bikarmeistari 1980) og eins með ÍS í efstu deild. Með ÍS náði Jón því að leika í Evrópukeppni bikarhafa gegn stórliði Barcelona 1978, ekki hafa margir leikið það eftir. Allir iðkendur og þjálfarar geta litið til hans sem fyrirmynd og innblástur.

Martha Erntsdóttir margfaldur methafi í langhlaupum. Martha sem er þjálfari í þreki, úthaldi, andlegum fræðum fyrir íþróttir og næringafræði. Persónulegur árangur Mörthu og reynsla er stórkostleg og hún er sannur brautryðjandi á sínu sviði. Betri fyrirmynd í íþróttum er vandfundin.


Verð fyrir þjálfun, gistingu og fullt fæði er 45.000 kr. samtals.

Verð fyrir þjálfun: 25.000
Gistin í 7 nætur: 15.000
Fullt fæði: 12.000.

Öll verð eru sem sagt algjörlega óbreytt frá því í fyrra og er það okkur sérstakt ánægjuefni.

Praktísk atriði
Gistingin er svefnpokagisting, boðið er upp á rúm en taka þarf með svefnpoka eða sængur og kodda.

Foreldrar/fararstjórar munu hafa aðgang að þvottavélum þannig að óþarfi að hafa föt til skiptana fyrir alla dagana.

Frítt verður í sund fyrir þátttakendur þannig að upplagt að taka sundfötin með og teygja úr sér í pottinum á milli æfinga.
Mótayfirlit
Mótayfirlit allra flokka
Logi Gunnarsson reynir að peppa strákana upp fyrir landsleik gegn Finnum í Laugardalshöll 6. september 2006
DómarahorniðLeiðararTölfræðiSaganViðtalið