© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
     
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
27.8.2010 | 12:40 | Kristinn | FIBA
COW: Íslenskir fulltrúar á setningarathöfn HM í kvöld
Children of the World körfuboltabúðirnar í tengslum við HM í Tyrklandi eru komnar á fulla ferð.

Ýmislegt spennandi hefur verið á dagskrá hópsins þessa fyrstu daga fyrir utan körfuboltann. Bríet Hinriksdóttir og Högni Fjalarsson hafa vakið athygli fyrir góða framistöðu og er gleðin allsráðandi hjá þeim. Örvar Kristjánsson er með þeim í för sem þjálfari og hefur hann slegið í gegn meðal þjálfaranna og var valinn þjálfari búðanna á miðvikudaginn og fékk afhent verðlaun fyrir í gær.

Tyrkir hafa verið höfðingjar heim að sækja og lagt mikið upp úr búðunum og óhætt að segja að allt hafi verið fullkomið hingað til hvort það sé dagskrá, fæði eða aðbúnaður.

Áhugi fjölmiðla er ótrúlegur á þessum búðum og eru sjónvarps- og myndatökumenn út um allt þar sem krakkarnir fara. HM í körfubolta er einn af mestu viðburðum íþróttasamfélagsins þótt ótrúlega lítið fari fyrir því á Íslandi og það er því mikil gleði hjá íslenska hópnum að upplifa HM-stemninguna svona vel.

Það sem stendur uppúr í búðunum er að sjá samvinnuna milli hinna ólíku menningar- og trúarheima til dæmis hjá Palestínumanni og Ísraela vinna saman sem og Afgana og Bandaríkjamanni í stöðvarþjálfun. Tungumálið er körfubolti enda þegar krakkarnir eru í pásu í búðunum eru þau úti á velli að spila körfu og þrátt fyrir smá tungumálaörðuleika eru allir að skilja hvorn annan á vellinum.

Meðal spennandi viðburða sem krakkarnir hafa tekið þátt í var opnunarhátíð Children of the World-búðanna sem var stórglæsileg og full af flottum skemmtiatriðum.

Rúsínan í pylsuendanum var svo tilkynning þess efnis að allir krakkarnir munu fá að taka þátt í opnunarhátíð Heimsmeistaramótsins í kvöld fyrir framan 18.000 manns sem verður sýnt beint frá til yfir 170 landa og ríkir mikil spenna hjá krökkunum yfir þessu. Bríet og Högni munu bera íslenska fánana inn á leikvanginn og klæðast landsliðstreyju Íslands en þetta er í fyrsta sinn í sögunni sem Ísland tekur virkan þátt í opnunarhátíð HM í körfubolta.

Útsendingin verður í beinni á FIBA TV (frítt) og hefst kl.18.15 að íslenskum tíma og auk fjölda listamanna verður meðal annars atriði frá Cirque du Soleil.
Mótayfirlit
Mótayfirlit allra flokka
Igor Beljanski, Snæfelli, keyrir upp að körfunni gegn landsliðsmiðherja Njarðvíkur, Friðriki Stefánssyni í átta liða úrstlium bikarkeppni KKÍ og Lýsingar 22. janúar 2006.
DómarahorniðLeiðararTölfræðiSaganViðtalið