Íslensku U-15 ára landsliðin hafa lokið leik í dag en segja má að dagurinn hafi verið býsna strembinn fyrir hópinn.

Flugi hópsins seinkaði um rúma 3 klukkutíma sem gerði það að verkum að það þurfti að seinka leikjum liðanna sem voru áætlaðir klukkan 16:15 að dönskum tíma. Góð ráð voru dýr eins og þar stendur en í samvinnu við mótshaldara var ákveðið að færa leikina til þannig að bæði íslensku liðin þurftu að leika tvo leiki í röð.

Strákarnir uppskáru tvo sigra á meðan að stúlkurnar unnu góðan sigur gegn heimastúlkum en þurftu svo að játa sig sigraðar gegn Hollendingum.

Ekki annað hægt að segja en að liðin hafi staðið sig með prýði við erfiðar aðstæður.

Úrslit dagsins og dagskrá morgundagsins má finna hér

Strákarnir okkar hefja leik klukkan 9 í fyrramálið og verða andstæðingarnir lið Hollands.

Stelpurnar okkar leika klukkan 14:30 gegn Noregi.

Það er tveggja tíma munur á löndunum.