Þennan dag í New York borg fyrir 64 árum síðan var BAA-deildin stofnuð eða Basketball Association of America.

Þremur árum síðar runnu hún og NBL-deildin, Nation Basketball League, sem var í samkeppni við BAA saman í þá deild sem við þekkjum í dag, NBA eða Nation Basketball Association.

Í deildinni í dag leika 30 lið, 29 frá Bandaríkjunum og eitt frá Kanada. Boston Celtics er sigursælasta lið deildarinnar frá upphafi en Boston hefur unnið meistaratitilinn 17 sinnum. Næstir í röðinni kemur LA Lakers með 15 sigra, en saman deila því Lakers og Boston eftir þetta tímabil 33 titlum af 64.

Eins og allir vita eru það einmitt þessi fornfrægu lið sem mætast í úrslitum deildarinnar í ár og í kvöld er leikur 2 á dagskránni og verður hann sýndur beint á Stöð 2 Sport kl. 01.00 í nótt.

NBA.com hefur tekið saman topp 10 leikbrot úr seríum Lakers og Celtics í gegnum tíðina sem má finna hér.