U18 ára liðið okkar spilaði gegn Finnum í leik um bronsið, leikurinn þeirra hófst hálftíma fyrr en leikur úrslitaleikur U16 drengja.

Finnarnir byrjðu sterkt á meðan okkar menn voru að finna taktinn. Staðan eftir fyrsta leikhluta var 24:15 fyrir Finnland. Liðin voru jöfn að getu í öðrum leihluta, bæði lið skoruðu 19 stig og staðan því 34:43 Finnum í vil í hálfleik.

Sami munur hélst út þriðja leikhluta, Ísland skoraði tveimur stigum meira en Finnland og munurinn sjö stig fyrir fjórða leikhluta.

Það er skemmst frá því að segja að eftir að hafa minnkað munin í 82:84 og svo 84:87 þá jafnaði Oddur leikinn með þriggjastigakörfu. Þá voru skammt eftir af leiknum. Finnar tóku leikhlé og fengu innkast á miðju. Þeir skoruðu umdeilda körfu og fengu villu þegar um 8 sekúndur voru eftir af leiknum. Þeir skoruðu úr vítinu og leiddu því með þremur stigum og Ísland átti lokasóknina.

Finnar brutu hinsvegar strax á Hauki Helga sem setti niður fyrra vítið sitt og freistaði þess að klikka á seinna skotinu sínu og ná frákásti en boltinn fór spjaldið ofaní og því eins stigs munur og ein sekúnda eftir af klukkunni.

Finnar fögnuðu því sigri og höfnuðu í 3. sæti.

Haukur Helgi setti 28 stig og tók 7 fráköst og var með 5 stoðsendingar, Kristófer var með 15 stig og 7 fráköst og Oddur 14 stig. Snorri og Illugi voru svo með 9 og 8 stig og báðir með 6 fráköst.

Haukur Helgi var valin í úrvalslið U18 karla að móti loknu og óskum við honum til hamingju með heiðurinn.

U18 lið karla átt nóg inni á þessu móti, byrjðu á að tapa í framlengingu fyrir Dönum en gaman hefði verið að sjá þá vinna þann leik og sjá hvert framhaldið hefði þá verið. Annars stóðu þeir sig vel og sýndu oft flottan leik og skemmtileg tilþrif.

Myndasafn úr bronsleiknum:
Hægt er að sjá myndir úr úrslitaleiknum gegn Finnlandi.