© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
15.5.2010 | 19:12 | Kristinn | Yngri landslið
NM: U16 kvenna töpuðu naumt fyrir Finnum · Myndir og myndbrot
Íslenska 16 ára lið kvenna tapaði öllum leikjum sínum á Norðurlandamótinu í Svíþjóð en það gerðu þær ekki baráttulaust.

Riðill íslenska liðisns var jafn og sterkur en stelpurnar sýndu hetjulega baráttu í sínum síðasta leik gegn Finnum. Þær unnu upp 15 stiga forystu Finna á lokasprettinum en Finnar héldu sínum takti og kláruðu leikinn 66-73. Margrét Rósa Hálfdánardóttir var stigahæst í íslenska liðinu með 13 stig og 3 fráköst og Eva Rós Guðmundsdóttir gerði 11 stig og tók 7 fráköst.

Finnsku stelpurnar byrjuðu 4-0 en þá rönkuðu þær íslensku heldur betur við sér og gerðu 10 stig í röð þar sem Eva Rós Guðmundsdóttir reið á vaðið með þriggja stiga körfu. Aníta Eva Viðarsdóttir splæsti í annan þrist og breytti stöðunni í 10-4. Finnar hertu þá róðurinn í vörninni og þvinguðu íslensku bakverðina í nokkuð af mistökum hátt upp á velli og gaf það Finnum nokkrar auðveldar körfur. Leikar stóðu svo jafnir, 15-15 að loknum fyrsta leikhluta sem var bæði fjörugur og opinn.

Finnar voru mun ákveðnari í öðrum leikhluta, byrjuðu 5-0 og komust í 15-20 áður en Margrét Rósa Hálfdánardóttir minnkaði muninn í 18-20 þegar hún skoraði í teignum og fékk villu að auki. Finnar hrukku svo í gírinn gegn svæðisvörn Íslendinga og röðuðu niður þristum enda fengu Finnar fín skot þar sem svæðisvörnin var ekki nægilega þéttofin. Staðan í hálfleik var 29-44 fyrir Finnland en Eva Rós Guðmundsdóttir náði að setja þrist á lokasekúndum fyrri hálfleiks og minnka muninn í 15 stig. Eva Rós var stigahæst í leikhléi með 9 stig en Margrét Rósa Hálfdánardóttir var með 7 stig.

Þriðji leikhluti var jafn og spennandi en Finnar voru komnir með gott forskot og þristur frá þúsundvatnalandinu breytti stöðunni í 33-52 þegar fjórar mínútur voru liðnar af leikhlutanum. Finnar voru að hitta ansi vel og Ísland var áfram að missa andstæðinga sína í góð skot í svæðisvörninni svo áður en leið á löngu voru íslensku stelpurnar komnar í svæðisvörn. Ísland vann leikhlutann 20-18 og því leiddu Finnar 49-62 fyrir fjórða og síðasta leikhluta.

Íslensku stelpurnar mættu dýrvitlausar til leiks í fjórða leikhluta og gerðu 7 fyrstu stig leikhlutans og náðu að minnka muninn í 56-62 eftir þrist frá Margréti Rósu Hálfdánardóttur. Finnar svöruðu að bragði með þriggja stiga körfu á hinum endanum og skömmu síðar urðu þær Lovísa Falsdóttir og Hildur Björg Kjartansdóttir frá að víkja með fimm villur.

Þegar tvær mínútur voru til leiksloka var munurinn aðeins sex stig, 60-66 Finnum í vil. Þegar aðeins mínúta var eftir af leiknum var munurinn enn sex stig, 63-69 en sá tími sem klukkan sýndi reyndist of naumur til þess að Ísland næði að jafna metin þrátt fyrir að Eyrún Líf Sigurðardóttir hefði sett þrist með 10 sekúndur til leiksloka og staðan 66-70. Finnar kláruðu dæmið 66-73 og Ísland því úr leik á Norðurlandamótinu.



U16 ára lið kvenna gerði sterkum liðum skráveifu á Norðurlandamótinu en máttu sætta sig við að tapa öllum sínum leikjum þó sumir hefðu verið jafnir og spennandi lengi vel.



Í dag var Margrét Rósa Hálfdánardóttir stigahæst í íslenska liðinu með 13 stig og 3 fráköst. Næst henni var Eva Rós Guðmundsdóttir með 11 stig og 7 fráköst og Aníta Eva Viðarsdóttir var með 10 stig og 2 stoðsendingar.

Myndbrot úr leiknum: U16 stúlkna gegn Finnlandi

Hægt er að sjá myndir úr leiknum gegn Finnum hérna

Mótayfirlit
Mótayfirlit allra flokka
Miðherjarnir Fannar Ólafsson, KR, og Friðrik Stefánsson, Njarðvík, fallast í faðma að loknum deildarleik í Ljónagryfjunni 19. janúar 2006.
DómarahorniðLeiðararTölfræðiSaganViðtalið