Borgarholtsskóli býður upp á afreksíþróttasvið í knattspyrnu, körfuknattleik, golfi og skíðum. Nemendur á afreksíþróttasviði geta stundað nám á hvaða bóknámsbraut skólans sem er (félagsfræði-, mála-, náttúrufræði- og viðskipta og hagfræðibraut).

Námið verður kynnt á kynningarfundi í Borgarholtsskóla miðvikudaginn 14. apríl kl. 17:30.

Afreksíþróttasvið er fyrir nemendur sem vilja stunda sína íþrótt með álagi afreksmanna samhliða bóknámi. Fjórar námseiningar á önn.

Kröfur til nemenda :
• Að hafa stundað íþrótt sína í nokkur ár og vera virkur iðkandi í íþróttafélagi.
• Að hafa staðist grunnskólapróf
• Vera vímuefnalaus íþróttamaður/íþróttakona.
• Geta tileinkað sér hugarfar og lífsstíl afreksíþrótta.
• Standast eðlilega námsframvindu og ljúki u.þ.b. 15-19 einingum á önn.
• Gerð er krafa að nemendur hafi a.m.k. 95% skólasókn í öllum námsgreinum.

Efnisgjald fyrir afreksíþróttasvið verður innheimt sérstaklega til viðbótar við önnur skólagjöld.

Frábær kennsluaðstaða:
• Egilshöll – íþróttahús Fjölnis
• Korpúlfsstaðir - Básar

Umsókn:
Nemendur sækja um skólavist á bóknámsbraut rafrænt. Umsóknareyðublað fyrir AFREKSÍÞRÓTTASVIÐ er á www.bhs.is (undir “bóknám til stúdentsprófs”) eða á skrifstofu skólans. Skil á umsóknum er 7. - 11. júní.

Allar nánari upplýsingar veitir Bjarni Jóhannsson, Verkefnisstjóri afreksíþrótta BHS
í síma 896-8566 og á bjarni@bhs.is.