KR 2:0 Haukar

Leik Hauka og KR er nú lokið og þar fóru KR stúlkur með sigur af hólmi. KR leiddi með þremur stigum í hálfleik. Þær voru svo með undirtökin í 4. leikhluta en Haukar skoruðu aðeins 6 stig á fyrstu sjö mínútum leikhlutans. KR var því með þægilegt forskot í lok leikhlutans en Haukar skoruðu síðustu 6 stigin.

Atkvæðamestar hjá Haukum voru þær Heather Ezell sem var með 31 stig og 11 fráköst, Kiki Lund sem setti 16 stig og María Lind sem skoraði 11 stig og tók 12 fráköst.

Hjá KR var Signý með 18 stig, 9 fráköst og 10 varin skot, Jenny Pfeiffer-Finora var með 14 stig og þær Unnur Tara og Margrét Kara með 12 stig hvor.

Næsti leikur fer fram í DHL-höllinni á föstudaginn kemur 19. mars og hefst leikurinn kl. 20.00.