Grindavík vann Njarðvík í dag 82-60 og tryggði sér þar með toppsætið í 1. deild kvenna yfir jólin en Keflavík fékk það "lánað" í tvo tíma eftir tvo sigra á KFÍ á tæpum sólarhring, fyrst 68-60 á föstudagskvöldið og svo 65-48 í dag. Úrslit seinni leiksins hafa verið eitthvað á reiki þar sem tvö stig voru skráð vitlausum meginn. Úrslitin voru því fyrst talin vera 63-50 en voru í raun 65-48. Síðasti leikur fyrir jólin fer fram á mánudagskvöld þegar ÍS tekur á móti KR en sigurvegarinn úr þeim leik tryggir sér þriðja sætið yfir hátíðarnar.