Rétt í þessu var að ljúka leik Hauka og Keflavíkur um Subwaybikarmeistaratitilinn 2010. Haukar höfðu betur 83-77 í mögnuðum leik.

Leikmenn beggja liða sýndu á köflum frábæra takta sem reyndist frábær skemmtun fyrir þá áhorfendur sem lögðu leið sína í Höllina sem og þá sem sátu heima og horfðu á leikinn í beinni útsendingu á RÚV.

María Lind Sigurðardóttir var valin besti maður leiksins en hún skoraði 20 stig og tók 9 fráköst.

Stigahæst hjá Haukum var Heather Ezell með 25 stig en hún tók einnig 15 fráköst og gaf 11 stoðsendingar.

Stigahæst hjá Keflavík var Birna Valgarðsdóttir með 22 stig og Kristi Smith setti 20.