Styrktarthjalfun.is er ný vefsíða sem var opnuð 8. janúar sl. og bíður lesendum upp á ýmsan fróðleik um þjálfun og mataræði og geta íþróttamenn fundið þar ráð sem geta hjálpað þeim að bæta frammistöðu sína.

Þjálfari og eigandi er Helgi Jónas Guðfinnsson fyrrum leikmaður Grindavíkur og landsliðsins í körfubolta.

Helgi hefur unnið við þjálfun síðan 2001 og hefur mikla reynslu á því sviði. Það má einnig geta þess að Lee Taft sem er einn fremsti hraðaþjálfari bandaríkjanna verður ráðgjafi síðunnar og mun hann reglulega koma með ráðleggingar um þjálfun.

Í tilefni opnunarinnar ætlar Helgi Jónas að gefa tveimur ungum og efnilegum íþróttamönnum á aldrinum 16 til 19 ára frítt í tveggja mánaða netþjálfun, dregið verður út 1. febrúar og eftir það á tveggja mánaða fresti.

Það eru tvö skilyrði sem sett eru svo að íþróttamaðurinn sé gjaldgengur í útdráttinn.

Fyrst þarf hann að gerast aðdáðandi styrktarthjalfun.is á facebook og í öðru lagi þarf hann að senda tölvupóst á helgasport@helgasport.is þar sem hann segir örlítið frá sjálfum sér, sínum íþróttaferli og af hverju hann á skilið að fá fría netþjálfun.

Feiri upplýsingar er hægt að fá hér