Hin árlega Firma- og félagakeppni Vals verður að þessu sinni haldin mánudaginn 28. desember 2009. Ef þátttaka verður (of) góð gætu úrslitaleikir farið fram daginn eftir.

Leikið verður í Vodafonehöllinni að Hlíðarenda. Leikið verður á tveimur leikvöllum samtímis.

Sigurvegarar fá bikar í verðlaun og auk þess verða gullverðlauna„peningar“ að vanda.

Leikið verður að mestu eftir venjulegum körfuboltareglum, nema leikurinn verður 2 X 12 mínútur, og klukkan aðeins stöðvuð síðustu 2 mínúturnar í leiknum. Til að tefja leikinn sem minnst í vítaskotum verður aðeins tekið eitt skot, sem gildir 1, 2 eða 3 stig eftir atvikum.

Mótið er eingöngu ætlað leikmönnum 20 ára og eldri og ekki heimilt að hafa leikmenn úr 1. deild eða Iceland Expressdeild í liðunum.

Þátttökugjald er kr. 20.000.- fyrir hvert lið, sem greiðist í síðasta lagi fyrir fyrsta leik liðs. Innifalið í gjaldinu eru veitingar í VIP-Salnum.

Greiða má í gegnum heimabanka inn á reikning:
Banki: 0101 - 26 - 3909
kt. 581181 - 0279

Þátttökutilkynningar berist sem fyrst til undirritaðra og í allra síðasta lagi fyrir Þorláksmessu


Torfi Magnússon
tm@ismennt.is
Sími: 661 8012

Hannes Birgir Hjálmarsson
hbh@talnet.is
Sími: 697 5999