© 2000-2017 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
24.11.2001 | 22:34 | óój
Njarðvíkingar Kjörísbikarmeistarar
Íslandsmeistarar Njarðvíkinga urðu Kjörísbikarmeistarar í fyrsta sinn eftir 40 stiga sigur á Keflavík, 109-69, í úrslitaleik í Smáranum í dag. Njarðvík komst í gær í fyrsta sinn í gegnum undanúrslitin í sjöttu tilraun og varð í dag fjórða félagið til að vinna titilinn sem fyrsta var leikið um haustið 1996. Keflvíkingar komust aldrei yfir í leiknum, Njarðvík leiddi með 12 stigum eftir fyrsta leikhluta, 25-13, með 30 stigum í hálfleik, 56-26 og 36 stigum eftir þriðja leikhluta, 79-43. Njarðvíkurliðið vann fráköstin 57-27 og gerði 14 þriggja stiga körfur í leiknum.

Brenton Birmingham gerði 30 stig fyrir Njarðvík auk þess að taka 9 fráköst og gefa 8 stoðsendingar. Brenton nýtti öll tíu víti sín og hitti úr 8 af 13 skotum utan af velli. Logi Gunnarsson skoraði 19 stig, Sævar Garðarsson gerði 17 á 20 mínútum, Ragnar Ragnarsson var með 12 stig og Friðrik Stefánsson gerði 12 stig og tók 20 fráköst, þar af 9 í sókn. Teitur Örlygsson gerði 8 stig, tók 7 fráköst og gaf 3 stoðsendingar á 20 mínútum en sat á bekknum og fylgdist með sínum mönnum síðustu 14 mínútur leiksins. Páll Kristinsson var með 8 stig og 9 fráköst.

Hjá Keflavík skoraði Damon Johnson mest eða 24 stig, Jón N. Hafsteinsson varð með 11 stig og 9 fráköst og Davíð Þór Jónsson gerði 8 stig.

Úrslitaleikir 1996-2001
1996: Keflavík-KR 107-101
1997: Keflavík-Tindastóll 111-73
1998: Keflavík-Grindavík 88-81
1999: Tindastóll-Keflavík 80-69
2000: Grindavík-KR 96-73
2001: Njarðvík-Keflavík 109-69
Mótayfirlit
Mótayfirlit allra flokka
Þóra Steffensen leikmaður ÍR reynir skot að körfu ÍS í leik liðanna í 1. deild kvenna 1984 eða þar um bil. Fríða Torfadóttir fylgist með og sér til þess að Stúdínur nái ekki að trufla skot Þóru.
DómarahorniðLeiðararTölfræðiSaganViðtalið