© 2000-2017 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
23.11.2001 | 22:21 | phs
Njarðvík í úrslit í fyrsta sinn
Njarðvíkingar tryggðu sér sæti í úrslitum Kjörísbikarsins í kvöld í fyrsta sinn er þeir sigruðu KR-inga með einu stigi 66-65 í æsispennandi og stórskemmtilegum leik. Þeir mæta nágrönnum sínum úr Keflavík en þeir lögðu Þórsara með 91 stigi gegn 77.
Leikurinn fer fram á morgun laugardag í Smáranum í Kópavogi og hefst kl. 16.00

Leikur Njarðvíkinga og KR-inga var jafn og spennandi allan tímann og munaði aldrei meira en 5 stigum á liðunum allan leikinn. Undir lok leiksins komust Njarðvíkingar yfir með þriggja stiga körfu frá Brenton Birmingham 64-62. Helgi Magnússon svaraði með þriggja stiga körfu þegar innan við 8 sekúndur voru eftir af leiknum og KR-ingar yfir 64-65. Eftir leikhlé Njarðvíkinga brunaði Brenton upp allan völl og reyndi skot, KR-ingar ná að slæma hönd í knöttinn sem barst til Friðriks Stefánssonar sem lagði hann ofaní og fékk víti að auki sem hann misnotaði. Þá voru eftir 0.64 sekúndur á klukkunni, of stuttur tími fyrir KR-inga til að ná sókn.

Þórsarar byrjuðu betur en Keflvíkingar og voru yfir fram í miðjan fyrsta leikhluta. Þá tóku Keflvíkingar mikinn kipp, náðu öruggri forystu sem þeir létu aldrei af hendi. Undir lok leiksins hljóp spenna í leikinn er Þórsarar náðu að minnka muninn í 6 stig eftir að hafa skorað 7 stig í röð, en Keflvíkingum urðu ekki á nein mistök og sigruðu með 91 stigi gegn 77.

Það verða því Njarðvíkingar og Keflvíkingar sem mætast á morgun laugardag í úrslitum Kjörísbikarsins. Leikurinn fer fram í Smáranum í Kópavogi og hefst kl. 16.00. Verði sá leikur jafn skemmtilegur og leikirnir í kvöld er ástæða til að hvetja körfuknattleiksunnendur til að koma og sjá frábæran körfubolta. Alls voru um 800 áhorfendur í Smáranum í kvöld.
Mótayfirlit
Mótayfirlit allra flokka
Frá Smáþjóðaleikunum á Möltu 1993.  Pétur Hrafn Sigurðsson framkvæmdastjóri KKÍ á myndbandsupptökuvélinni.
DómarahorniðLeiðararTölfræðiSaganViðtalið