Eins og flestir körfuboltaáhugamenn vita þá leika félagarnir Jakob Sigurðarson og Helgi Magnússon í sænsku deildinni í vetur.

Jakob er leikmaður með sænsku meisturunum Sundsvall sem hafa byrjað leiktíðina mjög vel. Jakob hefur verið frábær fyrir liðið og verið þeirra jafnbesti leikmaður. Jakob er á lista yfir stigahæstu leikmenn deildarinnar.

Helgi gerði samning við Solna Vikings sem urðu meistarar 2008 og léku til úrslita gegn Sundsvall sl. vor. Helgi hefur verið traustur fyrir liðið og verið að gegna veigameira hlutverki eftir því sem leikjum hefur fjölgað. Solna vann einmitt Sundsvall í Íslendingaslagnum um síðustu helgi.

Hægt er að fylgjast með gangi mála í deildinni hér.

Á heimasíðu sænsku deildarinnar er hægt að fylgjast með leikjunum í beinni tölfræðilýsingu. Einnig eru stöku leikir sýndir beint á netinu. Heimasíða sænsku deildarinnar

Á þessu sést að árgangabræðurnir og fyrrum samherjar úr KR eru að standa sig feykilega vel og hafa vakið mikla athygli ytra.