© 2000-2020 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
       
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
27.10.2009 | 8:15 | Kristinn
Parker númer 9
Í dag hefst NBA-deildin aftur eftir frí en fyrstu leikirnir fara fram í kvöld og þar er einna helst spennandi að sjá viðureign Boston og Cleveland. Af helstu mannabreytingum í þeirra herbúðum er vert að minnast á að Shaquille O'Neal er mættur í Cleveland við hlið LeBron James og hinn skrautlegi Rasheed Wallace er kominn til liðs við Boston Celtics.

MVP í úrslitakeppninni 2007, Tony Parker, verður væntanlega í fantaformi í vetur með félögum sínum í San Antonio Spurs en hann átti gott mót í haust á EM í Póllandi þar sem hann lék fyrir franska landsliðið.

Í nýlegu viðtali var Tony spurður að því hver væri hans rútína á leikdag. Tony sagðist alltaf fara á morgunæfingu um kl. 10 á leikdegi og taka góða skotæfingu. Eftir hana fær hann sér holla og góða máltíð, og þá helst kjúkling og pasta, og svo tekur hann stuttan lúr til að undirbúa sig fyrir leik dagsins.

Tony leikur í treyju númer níu hjá San Antonio Spurs og í landsliðinu. Ástæða þess að hann leikur í þeirri treyju er sú að þegar hann byrjaði að æfa íþróttir um sjö ára gamall þá byrjaði hann í fótbolta í stöðu framliggjandi sóknarmanns og þá í treyju númer 9. Það var svo á Ólympíuleikunum 1992 í Barcelona þar sem hann sá Michael Jordan leika í sömu treyju að hann ákvað að leika í henni allan sinn feril.

Sjálfur vonar hann að eiga 10 ár eftir í NBA en eftir það langar hann að leika lokatímabilið sitt í Frakklandi áður en hann hættir alveg. Flestir vonast auðvitað eftir að fá að sjá sem mest af honum í því formi sem hann hefur verið í undanfarið en hann er frábær leikmaður.
Mótayfirlit
Mótayfirlit allra flokka
Frá Smáþjóðaleikunum á Möltu 1993.  Frá setningarathöfn leikanna.
DómarahorniðLeiðararTölfræðiSaganViðtalið