Í dag á milli 13:00 og 17:00 gefst gestum Smáralindarinnar tækifæri á því að spreyta sig í körfubolta. Búið er að setja upp körfur og merktan körfuboltavöll í Vetrargarðinum.

Dagskráin stendur yfir frá 13:00 - 17:00.

M.a. sem verður boðið upp á:

13:00 - Skotleikir og þrautir

14:00 - Íslandsmót í Fingraspuna.

Þar gefst áhugasömum tækifæri á því að skrá nafn sitt á spjöld sögunnar með því að verða fyrsti Íslandsmeistarinn í þessari listgrein. Það er öllum frjálst að taka þátt og það er leyfilegt að koma með sinn eigin bolta.

15:00 - Leikmenn frá karla og kvennaliði KR, kvennaliði Hauka og karlaliði Stjörnunnar sem leika í Meistarakeppninni á sunnudaginn mæta á svæðið og gefst gestum kostur á að skora á þá í skotkeppni.

Fulltrúar frá Neistanum, styrktarfélagi hjartveikra barna verða á staðnum og kynna sína starfsemi en KKÍ lætur allan ágóða af leikjum Meistara Meistarann renna til Neistans.

16:00 - Framhald á skotleikjum, kynningu á körfubolta og ýmsu fleira.

17:00 - Áætlað að dagskrá ljúki.

Það verða ýmis verðlaun gefin fyrir skotleikina og þrautirnar og má nefna gjafabréf frá Iceland Express, Subway og Friday's. Bikar verður fyrir Íslandsmeistarann í Fingraspuna.

Þórður Helgi Þórðarson, a.k.a. Doddi litli eða Loveguru verður á staðnum og heldur uppi dynjandi takti með sinni alkunnu snilld.

Nú er um að gera fyrir fjölskyldur að skella sér í Smáralindina í dag og gera sér glaðan dag.

Sjáumst í Vetrargarðinum.