Fyrirliðið íslenska liðsins Ægir Þór Steinarsson endaði stoðsendingahæstur á evrópumóti U-18 ára landsliða sem fram fór í Sarajevo. Svíar sigruðu Pólland 87-71 en bæði lið tryggðu sér sæti í A-deild á næsta ári.

Ægir Þór Steinarsson fyrirliði íslenska liðsins var með eina stoðsendingu eftir fyrstu tvo leikina og deildu menn um hvernig vinnubrögðin í tölfræðinni væri hér úti. Lag kom á og fóru tölurnar hjá leikstjórnendum liðanna að aukast. Ægir Þór gaf 29 stoðsendingar í síðustu þremur leikjunum og endaði með 5.5 að meðaltali en næsti leikmaður var í Montenegro með 5.3 að meðaltali.

Úrvalslið mótsins var valið rétt áðan eftir sigurleik Svía þar sem verðlaunaafhendingin fór fram. Liðið var eftirfarandi:

Leikstjórnandi: Andreas Person Svíþjóð
Bakvörður: Sebastian Szymanski Póllandi
Bakvörður: Christopher Czerapowicz Svíþjóð
Framherji: János Eilingsfeld Ungverjalandi
Miðherji: Nemanja Radovic Montenegro

Christopher Czerapowicz Svíþjóð var svo útnefndur MVP

Íslenska liðið heldur af stað heim í nótt en ferðalagið er langt og strangt, ekki verður liðið komið heim fyrr en á þriðjudag. Hópurinn er í góðu standi og tilbúnir í ferðalagið.

Allar helstu upplýsingar um liðin og tölfræði á mótinu er að finna hér.