Sunnudaginn 2. ágúst leika strákarnir í U-18 ára landsliðinu sinn síðasta leik og er það gegn Dönum um 13. sætið. Leikurinn hefst klukkan 10:30 að íslenskum tíma og er í lifandi tölfræði.

Í kvöld tryggðu liðin tvö sem voru með íslensku strákunum í riðli sér þáttöku í A-keppninni á næsta ári með því að Svíar sigruðu Englendinga 81-66nokkuð sannfærandi og í gríðarlega skemmtilegum og spennandi leik tryggðu Pólverjar sér sigur á Montenegro 65-63.

Leikurinn við Dani er annar leikur liðanna á mótinu en strákarnir sigruðu fyrri leikinn 99-80 og nú þurfa strákarnir að ná upp sömu stemmningu og klára þá dönsku og tryggja liðinu fjórða sigurleikinn í röð.

Hægt er að fylgjast með leiknum í lifandi tölfræði hér.