Klukkan 12:00 á hádegi að íslenskum tíma mætast Ísland og Svíþjóð en þessi lið hafa háð margar orusturnar á síðustu árum. Ísland hefur unnið Norðurlandamótið í þessum árgangi í U-16 og U-18 og það er eitthvað sem Svíar eru ekki ánægðir með.

Hafa skal þó í huga að Svíar hafa unnið okkur á þessum mótum og gerðu það síðast á Norðurlandamótinu í maí sl.

Svíþjóð hefur byrjað vel á mótinu og hafa unnið báða leiki sína. Fyrst voru það Finnar sem lágu en Finnar höfðu unnið Svíana á NM. Tölfræði leiks Svía og Finna má sjá hér

Hinn sigurinn kom gegn Slóvökum og má sjá tölfræði leiksins hér

Leikurinn er gríðarlega mikilvægur fyrir okkar stráka þar sem sigur þýðir að liðið á möguleika að keppa um sæti í efri hluta B-deildarinnar.

Leikurinn hefst eins og áður segir klukkan 12:00 og verður hægt að fylgjast með honum beint hér