62 drengir verða boðaðir í úrtökuæfingar fyrir U15 á komandi tímabili. Drengirnir eru fæddir árið 1995 og er árgangurinn nokkuð stór, þar sem fjöldi liða fyllti fimm riðla í Íslandsmóti síðastliðinn vetur.

Einar Árni Jóhannsson er þjálfari U15 og mun hafa umsjón með æfingunum en einnig munu fleiri þjálfarar koma að úrtökuæfingunum sem fara fram á Ásvöllum í Hafnarfirði laugardaginn 11. júlí og sunnudaginn 12. júlí . Hópnum verður skipt upp í tvennt og mun hópur eitt æfa 09:00-10:40 og 12:40-14:20 en hópur tvö mun æfa 10:40-12:20 og svo aftur 14:20-16:00 en sömu æfingatímar eru báða dagana.

Bréf með hópaskiptingunni mun berast leikmönnum strax eftir helgina í pósti en nánari upplýsingar er hægt að fá hjá Einari Árna í netfanginu einar.johannsson@gmail.com eða í síma 618-7007.

U15 hefur tekið þátt í Copenhagen invitational síðustu tvö ár og 1994 árgangurinn vann það mót einmitt núna í byrjun júní. Mótið er liður í undirbúningi fyrir U16 sem tekur þátt í NM en 1994 árgangur skipar nú U16 fyrir komandi tímabil og verður stækkaður hópur hjá þeim kallaður saman til æfinga síðar í júlí en þeir munu æfa helgina 25. og 26. júlí.