A-landslið karla sigraði í dag lið Andorra á Smáþjóðaleikunum. Leikurinn endaði með 5 stiga sigri okkar manna 77:82.

Íslenska liðið lenti undir í upphafi en staðan var 44:37 í hálfleik eftir að hafa unnið 2. leikhluta 20:22. Í seinni hálfleik náði Ísland tökum á leiknum og sigraði 3. leikhluta 15:22 og 4. leikhluta 18:23.

Sigahæstir í dag voru þeir félagar úr Njarðvík, Logi Gunnarsson með 17 stig og Magnús Þór Gunnarsson með 14. Páll Axel Vilbergsson og Sigurður Þorvaldsson settu niður 11 stig hvor.

Næsti leikur liðsins er á morgun gegn San Marínó og hefst hann kl 14.00 að íslenskum tíma.