Eftir mikla spennu og eftirvæntingu fyrir leik Íslands og Kýpur á Smáþjóðaleikunum verður að segjast að leikurinn varð mikil vonbrigði.

Eftir jafnar upphafsmínútur tóku heimamenn öll völd og léku okkur oft á tíðum grátt. Íslenska liðið getur spilað betur en það gerði í dag en það verður ekki litið framhjá því að Kýpverjar voru góðir en í liði þeirra eru margir góðir leikmenn.

Kýpur hefur þá unnið gull og silfurhafa frá síðustu leikum en þau sæti skipuðu Ísland og Lúxemborg. Það má því segja að heimamenn séu nánast öruggir með gullið á þessum leikum.