© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
29.5.2009 | 17:14 | Kristinn
Afreksbúðir KKÍ 2009 · Breytt fyrirkomulag
Undanfarin sumur hefur KKÍ starfrækt afreksbúðir fyrir efnilegustu unglinga landsins í körfuknattleik. Þjálfari búðanna hefur valið þá sem hann telur efni í afreksfólk til þess að æfa þrjá tíma á dag í 6 vikur og hafa krakkarnir þegið vinnuskólalaun frá sveitarfélagi sínu fyrir að taka þátt í búðunum. Síðastliðið sumar voru í fyrsta sinn haldnar kynjaskiptar afreksbúðir og fjölgaði þátttakendum um helming og fengu þá tæplega 40 krakkar tækifæri til afreksþjálfunar.

Stjórn KKÍ hefur ákveðið að gera breytingar á fyrirkomulagi búðanna í sumar. Áfram verða kynjaskiptar búðir en í stað daglegra æfinga verða efnilegir krakkar annars vegar U14 ára og hins vegar U15 ára boðaðir þrjár helgar á afreksæfingar.

Unglingalandsliðsþjálfari stýrir æfingum ásamt tveimur aðstoðarmönnum. Stefnt er að því að hver hópur fái 4 æfingar hverja helgi og þá 100 mínútur í senn. Þjálfarar afreksbúða í sumar verða þeir Einar Árni Jóhannsson með stráka og Jón Halldór Eðvaldsson með stelpur.

Ástæða þessarar breytingar er sú að æ erfiðara hefur reynst fyrir krakka utan af landi að taka þátt í daglegum æfingum sökum kostnaðar við ferðir og stefndi í að þátttakendur kæmu nánast eingöngu af höfuðborgarsvæðinu.

Með þessu fyrirkomulagi er markmiðið að skapa meira jafnræði með efnilegum körfuknattleiksmönnum hvaðan af landinu sem þeir eru. Auk þess að fjölga þeim krökkum sem fá tækifæri til að spreyta sig í afreksþjálfun er möguleiki að ná betri tengingu á milli úrvalsbúða sem eru fyrir 11-13 ára og unglingalandsliðsstarfsins með 14-18 ára.

Nánara skipulag afreksbúðanna mun liggja fyrir núna í upphafi júní og munu þjálfararnir hafa samband við þá sem valdir verða í afreksbúðir að þessu sinni.

Mótayfirlit
Mótayfirlit allra flokka
Fanney Guðmundsdóttir og Ari Gunnarsson á verðlaunaafhendingu fyrir fyrri hluta Iceland Express-deildar kvenna veturinn 2008-09. Fanney var valin dugnaðarforkur fyrri Iceland Express-deildarinnar og Ari besti þjálfarinn.
DómarahorniðLeiðararTölfræðiSaganViðtalið