Snjallasti körfuknattleiksmaður heims, Michael Jordan, hefur ákveðið að taka fram skóna og leika á ný í NBA-deildinni. Jordan tilkynnti þetta í gær og jafnframt að leikmannalaun hans hjá Washington Wizards í vetur rynnu óskipt til þeirra sem misst hafa fyrirvinnuna í hryðjuverkaárásinni á Bandaríkin.

Jordan sagði að hann snéri aftur á völlinn vegna þess að hann elskaði körfubolta og saknaði þess að vera ekki í eldlínunni. Hann sagði jafnframt að besta leiðin til að kenna ungum leikmönnum væri að segja þeim til inni á vellinum og það hyggðist hann gera hjá Washington-liðinu.

Þá sagði hann af sér sem forseti körfuknattleikssviðs Wizards og tilkynnti að hann myndi ekki veita nein viðtöl fyrir opnum æfingabúða Wizards þann 1. október nk. í virðingarskini við fórnarlömb hryðjuverkanna.

Í nýjasta fréttabréfi NBA er nánar sagt frá endurkomu Jordans, aðstoð NBA-liðanna við hjálparstarfið og margt fleira.

Heimasíða Washington Wizards
Leikmannasíða Michael Jordan
Michael Jordan á nba.com