Staðan í einvíginu um Íslandsmeistaratitilinn er hnífjöfn, en Grindavík jafnaði í kvöld metin með sigri á heimavelli 100:88.

Leikurinn í kvöld var bráðfjörugur og skemmtilegur og frábær tilþrif sáust hjá báðum liðum. Umgjörðin var frábær, skemmtiatriði fyrir leik, glæsileg kynning í upphafi og húsið var troðfullt af um 1000 áhorfendum beggja liða.

Næsti leikur í einvíginu er á fimmtudaginn kemur kl 19.15 í DHL-höllinni.