Í dag var gefin út endanleg niðurröðun deildarleikja fyrir komandi keppnistímabil. Það er fyrir EPSON-deild, 1. deild karla og kvenna, 2. deild karla (alls 6 deildir) og 2. deild kvenna. Einnig er komin niðurröðun leikja fyrir Kjörísbikarkeppni karla og kvenna. Niðurröðun mótanna er að finna hér til hægri á síðunni.

Rétt er að vekja athygli á því að í bikarkeppnum eru leikir settir á fyrir hverja umferð fyrir sig. Þannig er aðeins komin endanleg niðurröðun fyrir 16-liða úrslit í Kjörísbikar karla og 8-liða úrslita fyrir Kjörísbikar kvenna.

Dagsetningar og tímasetningar annarra bikarleikja eru viðmiðunar dagsetningar og geta breyst eftir að dregið er og/eða í ljós kemur hvaða lið munu mætast í næstu umferð.

Allar breytingar á niðurröðun leikja héðan í frá eru ákveðnar af mótanefnd KKÍ. Hægt er að sækja um slíkar breytingar til nefndarinnar og tekur þá nefndin ákvarðanir um færslu leikja. Slíkar beiðnir eru aðeins samþykktar að gildar ástæður séu fyrir hendi.