Fjölnir tryggði sér áðan sigur í oddaleik gegn Haukum á Ásvöllum með 71:75 sigri. Leikurinn var jafn allan tímann en í upphafi 4. leikhluta skoraði Fjölnir 10-0 í röð sem lagði grunninn að sigrinum.

Þeir munu því mæta Val í úrslitum 1.deildar karla í ár um laust sæti í Iceland Express-deildinni að ári. Valur lagði KFÍ einnig í oddaleik í Vodafone-höllinni í kvöld 102:84.

KR lagði Keflavík á útivelli 75:88 og leiðir því rimmuna 2-0. Með sigri á heimavelli, á föstudaginn kemur kl 19.15, geta þeir tryggt sér sæti í úrslitunum.