Nú er leikjum kvöldsins í úrslitakeppni karla og kvenna nýlokið.

KR stúlkur unnu Keflavík 62:71 og þar með einvígið 3-0. KR er því komið í úrslit og mætir þar annað hvort Haukum eða Hamri í úrslitunum, en staðan í því einvígi er 2-1 fyrir Hauka.

Grindavík sló út ÍR með 71:85 sigri í Seljaskóla en Grindavík vann einvígið 2-0.

Stjarnan tryggði sér oddaleik með sigri á Snæfelli í Ásgarði 99:79. Liðin mætast á fimmtudaginn kemur í Stykkishólmi.

Ef til fleiri oddaleikja kemur hjá körlunum, þá verða þeir einnig á sunnudaginn kl 19.15.