Úrslitakeppnir karla og kvenna eru í fullum gangi og í kvöld fóru fram tveir leikir í 8-liða úrslitum hjá körlunum og einn leikur í undanúrslitum kvenna.

Hjá konunum voru það Haukar sem unnu Hamar á Ásvöllum 59:55 og hafa Haukar náð forystu á ný 2-1. Næsti leikur liðanna er á þriðjudagskvöld í Hveragerði.

Í Toyotahöllinni mættust Keflavík og Njarðvík í fyrsta leik liðanna í 8-liða úrslitum. Keflavík hafði betur 96:88 Næsti leikur liðanna verður í Njarðvík á þriðjudagskvöld.

Í DHL höllinni sigraði KR lið Breiðabliks 123:75 Næsti leikur liðanna verður á þriðjudagskvöld í Smáranum í Kópavogi.