Nú um helgina hefst fjörið á mörgum vígstöðvum í körfuboltaheiminum á Íslandi. Úrsltakeppni Iceland Express-deild karla fer af stað ásamt því að undanúrslitin í Iceland Express-deild kvenna fara að ná hámarki.

Framtíðarstjörnur Íslands verða einnig á fullu en um helgina verður keppt til Íslandsmeistaratitils í 8. flokki karla og kvenna.

Hjá stelpunum er keppt í Keflavík og hófust leikar kl. 16.00 í dag og lokaleikur mótsins er á morgun kl. 18.00 í Akademíunni í Reykjanesbæ. - Sjá dagskrá mótsins hér.

Liðin sem taka þátt í úrslitamótinu í 8. flokki kvenna eru Keflavík, Grindavík, Njarðvík, Breiðablik og ÍR.

Hjá strákunum er mótið í Njarðvík og er einnig keppt föstudag og laugardag. Fyrsti leikur þar hófst kl. 16.00. Til að sjá dagskrá mótsins smellið hér.

Liðin sem taka þátt í úrslitamótinu í 8. flokki karla eru KR, Njarðvík, Stjarnan, Þór Þorlákshöfn og Keflavík.