Ísland mætir Sviss í forkeppni Evrópumóts landsliða í Njarðvík á miðvikudaginn. Svisslendingar komu til landsins í gær frá Írlandi þar sem þeir töpuðu óvænt fyrir heimamönnum 69-62.

Eftir leikina gegn Finnlandi er ljóst að Ísland kemst ekki áfram í keppninni að þessu sinni. Staða Íra er góð og Svisslendingar mega ekki við tapi gegn Íslandi eigi þeir að eiga möguleika á að komast áfram. Þá hafa Finnar sett pressu á Svisslendinga og Íra með sigrunum gegn Íslendingum. Tvær þjóðir komast áfram upp úr riðlinum.

Leikurinn gegn Sviss verður í Njarðvík á miðvikudaginn kl. 20:00 og síðan verður leikið gegn Írum á laugardaginn kemur kl. 16:30.